A XXV Vig-Bay reúne este domingo case 8.500 persoas: Búscate na saída

 Máis de 8.400 persoas de 48 países participan este domingo na XXV Vig-Bay e na V Minibay que unirá as localidades pontevedresas de Vigo, Nigrán e Baiona nunha ruta correndo polo litoral.

Trátase dunha participación "marca", segundo destacou o presidente do medio maratón, Eduardo Vieira, quen debullou as cifras. Así, unhas 6.450 persoas correrán a proba de 21 quilómetros entre Vigo e Baiona, mentres que 2.000 percorrerán os 10,5 quilómetros que unen Nigrán con Baiona. "Un incremento do 23,49%", subliñou.

Na presentación do evento, Vieira subliñou que hai corredores de todas as comunidades autónomas de España, así como de 48 países. Durante os 25 anos de traxectoria, a Vig-Bay contou coa inscrición de máis de 100.000 persoas.