Amadeo Abal e Silvia Pereira, gañadores da media maratón Entre Rías
O gañador invertiu un tempo de 1h05'43", mellor marca persoal
O triatleta Xabi Gómez Noya rematou no segundo posto a dous minutos
Silvia Pereira impúxose en Sanxenxo cun tempo de 1h19'15"
A terceira edición da media maratón Entre Rías, que une O Grove con Sanxenxo nun marco incomparable, foi todo un éxito de participación, e tamén de tempos. O gañador masculino foi Amadeo Abal Chaves, do Atletismo Lucena. Fixo a primeira parte xunto ao medallista olímpico Xavi Gómez Noya, que aguantou o ritmo do gañador ata a metade. Despois, á altura da praia da Lanzada, Amadeo Abal apertou e marchou en solitario, para levar a vitoria cunha mellor marca persoal de 1h05'43".
Xavi Gómez Noya rematou no segundo posto da proba, e tres minutos do vencedor.
Na categoría feminina impúxose a portuguesa Silvia Pereira, cun tempo de 1h19'17". A proba gozou da participación de máis de 4.000 atletas nas diversas modalidades que uniron O Grove coa praia de Silgar, en Sanxenxo, pasando pola Toxa e a praia da Lanzada como grandes atractivos do seu percorrido.
