Carvalhal, sobre Hugo Mallo: "Perdeu o foco. A decisión é técnica e ten que esperar"

A volta de Unai Núñez, despois de cumprir o partido de sanción, podería ser a única novidade na aliñación do Celta para o partido de mañá en Anoeta. De confirmarse, Carlos Carvalhal poñería en escena o mesmo once que xogou ante o Betis no Villamarín na penúltima xornada, confirmando así que xa ten perfilado un equipo titular tipo para esta segunda parte do campionato. Se finalmente volve o vasco, Renato Tapia sería o sacrificado no centro da defensa, deixando a Óscar Mingueza no lateral dereito.

Hugo Mallo seguiría na suplencia:

"Perdeu un pouco o foco, é humano e esa situación está pechada. Está en proceso de volver ser o Hugo que coñecemos. A decisión é técnica".

"Ten que esperar a súa oportunidade. Mingueza e Kevin están moi ben".

O técnico portugués ten a mellor das opinións da Real Sociedade:

"Quizais sexa o partido máis difícil desde que chegamos ao Celta. É un equipo forte, que xoga na casa. Teñen uns grandes rexistros colectivos e individuais, con moitos puntos fortes e moi poucas debilidades".

Cre que saíron reforzados da derrota ante o Atlético de Madrid.