Carmela Silva evita comparecer no Parlamento por quinto ano consecutivo

A presidenta da Deputación de Pontevedra, a socialista, Carmela Silva, estaba convocada polo Parlamento para explicar os orzamentos da institución que dirixe. Pero, por quinto ano consecutivo, decidiu non aparecer.

Os voceiros do PP e do BNG foron moi críticos cunha actitude que cualificaron de falta de respecto. Os presidentes das deputacións non teñen a obriga de comparecer, pero adoitan facelo por colaboración institucional e transparencia.