Carlos Dotor, cuarta fichaxe do Celta de Rafa Benítez

Carlos Dotor é xa xogador do Celta para esta campaña 2023/24 despois de que o club chegase a un acordo de traspaso co Real Madrid. O centrocampista vestirá a celeste ata o ano 2028.

O madrileño de 22 anos, excapitán do Real Madrid Castela, acaba de asinar unha pasada campaña excepcional co conxunto branco: disputou un total de 2223 minutos repartidos en 29 partidos, nos cales atopou portería ata en 12 ocasións e axudou o seu equipo con tres asistencias de gol.

Dotor, xogador de gran calidade, despregadura física e instinto goleador, dá esta tempada o salto á máxima categoría do fútbol español da man de Rafa Benítez e convértese na cuarta nova incorporación dun club que afronta con grande ilusión este ano en que conmemora o seu centenario.