Carlos Domínguez cre que o Celta pode sacar algo positivo do Bernabeu
Carlos Domínguez: "O triunfo deunos tranquilidade e confianza. Traballamos con moita ilusión para ir o Bernabéu e sacar un punto ou tres"
Se Carlos Domínguez xoga no Bernabeu, será a primeira vez que o central vigués se mida co Real Madrid. Nunca se enfrontou ao equipo branco. Apunta a posibilidade de puntuar que axudaría o Celta a sumar pensando na salvación.
"O triunfo deunos tranquilidade e confianza. Traballamos con moita ilusión para ir o Bernabeu e sacar un punto ou tres"
Carlos Domínguez confía en menos sufrimento e tamén nun comportamento correcto do árbitro en Madrid.
"Os árbitros están para impartir xustiza. Ás veces temos a mala sorte con eles, pero son persoas e agardemos que sexa xusto".
No rival, de nada serviron as alegacións do Real Madrid. Dous partidos de sanción a Bellingham pola expulsión en Mestalla. Por protestar o gol anulado por Gil Manzano. O Celta non terá que preocuparse do dianteiro británico.
