Teodoro, agricultor afeccionado, cultiva cabazas de máis de 80 quilos

Teodoro ten 77 anos e traballou toda a vida de mecánico ata que se xubilou.  Daquela aburríase con tanto tempo libre e deulle por afeccionarse á agricultura.

Dende que empezou a vida de agricultor en Lugo, sempre se lle deron ben as hortalizas. Pero o que pasou este ano coas cabazas non ten precedente.

Chancea dicindo que o problema o ten agora para cargar estas cabazas e desocupar a leira. Pero a Teodoro dánselle ben todas as hortalizas.

O reto para o ano é conseguir as cabazas aínda máis grandes. Para iso vai quedar coas sementes da máis grande desta colleita.