C. Tangana, de raíces viguesas, falou na Fundación MOP da Coruña sobre a súa música e o seu cinema

Expectación na Coruña para escoitar o compositor, cantante, actor e director Antón Álvarez Alfaro, máis coñecido como C. Tangana. O artista, de raíces viguesas, asistiu ao centro da Fundación Marta Ortega, onde se formaron ringleiras para velo.

Considerado un dos referentes da nova linguaxe cultural española, C. Tangana falou na Coruña sobre a súa música e o seu cinema. A asistencia era por invitación e as entradas esgotáronse ao pouco de estaren dispoñibles.