Buscan unha muller de 85 anos desaparecida en Lugo

Unha muller de 85 anos desapareceu en Lugo este martes.

Chámase Isaura, mide 1,40 de estatura, pesa uns 40 quilos e ten o pelo branco e curto.

No momento da súa desaparición, a muller levaba posto un chapeu, pantalón escuro, unha camisa clara e unha chaqueta rosa.

Vírona por última vez nunha froitería da avenida da Coruña. Crese que a muller se dirixía ao barrio de Garabolos e puido desorientarse.

A familia pide a calquera persoa que a vexa que se poña en contacto coa policía ou coa Garda Civil.