Buscan un home que levou a súa filla pola forza tras disparar ao aire en Ferrol

A Policía Nacional mantén aberto un operativo para localizar un home que levou á forza a súa filla, de 7 anos, en Ferrol.

Os feitos ocorreron ao redor das nove da noite na rúa Fonte da Greza, situada nas proximidades do Auditorio da cidade, na contorna das barriadas de Telleiras.

As mesmas fontes indicaron que varios veciños da zona trasladaron a súa alarma ao escoitar o disparo ao aire que o home realizaría antes de emprender a fuxida en compañía doutra persoa e nun vehículo.

Fontes policiais engadiron que o home logrou levar a nena minutos despois de que a menor estivese a pasear pola zona, próxima á súa casa, tanto coa súa nai como coa actual parella do fuxido.

Ademais, remarcaron que, no momento dos feitos, xustificounos por defender a pequena e subliñaron que o sospeitoso non ten a súa custodia, que recae na súa anterior parella sentimental. Ameazou a súa exparella cunha arma antes de recoller pola forza a menor.

Fontes policiais precisaron que se manexa a hipótese de que o investigado podería querer desprazarse a Portugal.