Bruxelas ofrécelle vacinas á China para frear a explosión de contaxios de covid
A UE valora pedir pasaporte covid aos que veñan da China como xa fan España ou Italia
Pequín considera inaceptables as restricións aos viaxeiros procedentes do país
A vaga de contaxios avanza cada día na China desde que abandonou as restricións extremas da política covid cero.
"Temos 145 camas na UCI e están todas ocupadas", explica o director dun grande hospital.
E os contaxios masivos xa están pasando das cidades ás zonas rurais onde a capacidade de resposta sanitaria é menor. A Comisión Europea ofrécelles axuda.
"Experiencia en saúde pública e a doazón de vacinas adaptadas ás novas variantes", explica un voceiro da Comisión Europea.
Pequín non respondeu a esta oferta pero si á imposición de restricións para a entrada dos seus cidadáns en varios países europeos. Cualifican e medida de desproporcionada e advirten de que tomaran contramedidas en base ao principio de reciprocidade
España é un dos países que comezou a facer controis sanitarios e desde este martes tamén a pedirlles o pasaporte covid aos chineses que chegan en avión. Algúns pasaxeiros explicaban no aeroporto de Madrid que lles tomaron a temperatura e lles pediron a documentación: unha proba negativa e a acreditación de ter a pauta completa de vacinación cun soro homologado.
España é Italia adiantáronse a unha medida que este mércores podería decidir implantar toda a Unión Europea. Instan a reforzar a vixilancia para detectar novas variantes incluíndo tamén o control das augas residuais dos aeroportos.
