Sorpresa no fútbol sala, Bruno García toma os mandos do Parrulo
Marcha Xulio Martínez logo de 48 anos ao fronte
Bruno seguirá o modelo de Unai Emery, será inversor e manexará desde a distancia
O seu irmán David tomará os mandos na xestión diaria
O cambio será efectivo este 30 de xuño
Bombazo no fútbol sala galego! Na previa do derbi entre o Parrulo e o Noia, nos minutos anteriores á festa do fútbol sala galego, a directiva do Parrulo convocou unha rolda de prensa na que o presidente Xulio Martínez anunciou a súa marcha. Con el, ao seu carón, estaba Bruno García, o adestrador ferrolán da selección de Kuwait.
Xulio anunciou que marchaba despois de 48 anos e que o facía convencido e tranquilo por deixar o Parrulo en boas mans, as de Bruno García. Pola súa parte, Bruno asegurou que tomou a decisión logo da chamada do propio Xulio e que fai co propósito de facer do Parrulo unha empresa máis profesional, estable e sostible. O seu modelo será o modelo de Unai Emery, o actual adestrador do Aston Villa. Emery investiu no Real Irún e situou ao seu irman á fronte. Bruno fará o mesmo co seu irmán David. El levará o día a día e Bruno asesorará desde a distancia.
O cambio no Parrulo producirase o vindeiro 30 de xuño. E, por se tiñan dúbidas, Bruno García asegurou que ten o compromiso por escrito de manterlle o nome ao equipo. Seguiremos tendo 'parrulos'.
