Benítez recupera a Miguel Rodríguez e a Iago Aspas para xogar ante o Real Madrid
O técnico celeste tamén terá á súa disposición o dianteiro Iago Aspas tras cumprir sanción
Rafa Benítez, adestrador do Celta, recupera o extremo Miguel Rodríguez para o partido que o seu equipo disputará o vindeiro sábado contra o Real Madrid no Santiago Bernabéu.
O canteirán, que este mércores recibiu a alta médica tras completar ao mesmo ritmo que os seus compañeiros a sesión de adestramento na cidade deportiva Afouteza, perdeu os últimos dous partidos de LaLiga por un traumatismo no pé esquerdo.
Ademais, o técnico celeste tamén terá á súa disposición o dianteiro Iago Aspas tras cumprir sanción por acumulación de tarxetas no último duelo ligueiro contra o Almería.
Os que non chegarán ao partido do Santiago Bernabéu son o mediocentro Renato Tapia e o lateral esquerdo Mihailo Ristic, ademais dos lesionados de longa duración Joseph Aidoo e Carlos Dotor. O sueco Williot Swedberg segue sendo dúbida por unha escordadura de nocello
