Publicador de contidos
Publicador de contidos

Beltrán, o futbolista máis novo en disputar 195 partidos co Celta en Primeira

Beltrán, o futbolista máis novo en disputar 195 partidos co Celta en Primeira

É o terceiro futbolista con máis partidos disputados co Celta na máxima categoría no século XXI, só superado por Iago Aspas (340) e Hugo Mallo (309)

G24.gal 20/05/2024 15:42 Última actualización 20/05/2024 15:47

O centrocampista Fran Beltrán segue facendo historia no Celta tras converterse no xogador máis novo en alcanzar os 195 partidos en Primeira División coa camiseta celeste, con 25 anos e 3 meses.

O madrileño, fichado do Raio Vallecano no verán de 2018 como unha aposta persoal do entón director deportivo Felipe Miñambres, é o terceiro futbolista con máis partidos disputados co Celta na máxima categoría no século XXI, só superado por Iago Aspas (340) e Hugo Mallo (309).

A pesar da súa mocidade –fixo 25 anos o pasado mes de febreiro-, Fran Beltrán xa se atopa entre os nove futbolistas do Celta con máis partidos en Primeira tras igualar a Vlado Gudelj e superar ao excapitán Vicente.

O centrocampista, con 195 partidos, atópase a tan só 3 do arxentino Fernando Cáceres e a dez de Gustavo López.

Con contrato ata xuño de 2026, Beltrán ten ao seu alcance a outros futbolistas como Pepe Villar (207), Juan Fernández (220), Manolo (226) e Mostovoi (235).

Publicidade
Publicidade
Publicidade
Publicidade