Baleares solicita aval xudicial para esixir que os sanitarios estean vacinados

Baleares esixirá o certificado COVID aos traballadores sanitarios. No caso dos non vacinados, deberán facer tres probas diagnósticas de covid–19 cada semana. Delas, dúas deben ser PCR. A medida inclúe todo tipo de traballadores, tamén persoal administrativo e de seguridade.

Tamén terán que facer unha proba diagnóstica os que se incorporen ao traballo despois dunhas vacacións, aínda que xa estean vacinados. A balear é a primeira comunidade que adopta esta medida. Agora ten que ser avalada polo Tribunal Superior de Xustiza das Baleares.