Xa está operativo o reformado centro de saúde de Conxo, en Santiago
O novo edificio contará con novos servizos e consultas, como a de saúde bucodental e as remodeladas unidades de psicoxeriatría e saúde mental
O seu espazo duplícase dos 400 aos 1.000 metros cadrados
Durante a fin de semana levouse a cabo o traslado da tecnoloxía e do equipamento necesario para pór en marcha as novas consultas e atender os primeiros doentes. Un novo espazo que incorpora un novo servizo de médico e enfermeira, o que permitirá baixar as cotas por sanitario e dar a benvida a novos pacientes.
Só o servizo de enfermaría, salvo as urxencias, estivo a medio gas durante esta xornada.
No primeiro e segundo andar deste centro sitúanse a nova unidade de saúde bucodental e as remodeladas unidades de psicoxeriatría e saúde mental para poder atender os pacientes de Santiago e da súa área. Hai oito en total, dúas están aquí.
Este centro de saúde atende máis de 5.000 persoas, e na unidade de saúde mental lévanse a cabo unhas 150.000 consultas ao ano. As obras de mellora eran unha reivindicación conxunta.
De momento, a entrada provisional é polo lateral deste edificio histórico, á espera de rematar as obras exteriores e completar o seu acondicionamento definitivo.
