Baixan os pacientes ingresados por covid en Galicia pero hai cinco máis nas UCI
O Sergas notifica catro novos falecementos por covid nas últimas 24 horas
Os casos activos seguen a subir e xa superan os 15.000
Nas últimas horas e con datos das 18 horas do venres baixa en Galicia o número de persoas ingresadas por covid, son 622, (-17). A redución de enfermos polo virus dáse en planta con 601 persoas en cuarto illado, que son 22 menos que a xornada anterior.
Pola contra aumentan os pacientes nas UCI e son 21 os que precisan atención especializada, cinco máis que a xornada previa.
Os contaxios diarios baixan aos 1.616, que son 102 novos diagnósticos menos nas probas realizadas.
En canto aos casos activos, seguen a subir unha vez pasadas as datas da Semana Santa, e xa superan a cifra de 15.000 en Galicia. En total son 15.278, (+369), pero é certo que o aumento prodúcese dun xeito máis moderado.
O Sergas notifica catro novas mortes por covid nas últimas 24 horas, o que eleva a cifra a 3.320 persoas falecidas desde o comezo da pandemia en Galicia.
