Baixa o ritmo de contaxios na área de Vigo pero sobe a presión hospitalaria
Suma 897 infeccións nas últimas 24 horas
Hai oito persoas máis ingresada en planta
A área sanitaria de Vigo segue á cabeza de casos de covid en Galicia, con 11.831. Baixa o número de positivos detectados pero soben as hospitalizacións, que son xa 82.
Volven as colas ao covid-auto do hospital Álvaro Cunqueiro. Hai familias enteiras e grupos de amigos. A maioría mantivo contacto con persoas positivas entre a Noiteboa e o Nadal e precisan confirmar a súa situación cunha PCR.
Tras varios días superando o milleiro de casos novos, a área sanitaria de Vigo rexistrou un total de 897 infeccións nas últimas vinte e catro horas.
Nos centros hospitalarios hai oito persoas máis ingresadas en planta. Nas unidades de coidados intensivos permanecen trece doentes, un menos ca este sábado.
