Aviso amarelo por tormentas este martes na montaña de Lugo

A Axencia Estatal de Meteoroloxía activou unha alerta amarela por tormentas para este martes, 14 de xullo, na montaña de Lugo. Esta alerta estará vixente entre as 18:00 e a medianoite por tormentas que poden ir acompañadas por saraiba. Tamén se prevén precipitacións acumuladas nunha hora de 15 litros por metro cadrado.

As altas temperaturas poñerán este martes en aviso doce comunidades autónomas, segundo a predición da Axencia Estatal de Meteoroloxía (AEMET). Un total de cinco alcanzarán o nivel laranxa: Aragón, Baleares, Cataluña, Navarra e A Rioxa. Ademais, Asturias e Galicia estarán en aviso por choivas e tormentas.