Atopan o cáliz roubado na igrexa de Cerdedo
Un home pediulle confesión ao párroco, e mentres, presuntamente, as súas cómplices fixéronse con varias pezas de prata
"Foi un engano, dúas mulleres e un home asistiron á misa", di Luis Cagide, párroco.
O cura de San Xoán Bautista de Cerdedo nada sabía das intencións dos tres descoñecidos que acudiron á igrexa o 3 de setembro, xunto aos fregueses habituais. Rematada a homilía o home lograba despistar o párroco.
"Pediume confesión, pero arrepentimento non había se ían roubar", sinala.
Levaron varias pezas de prata como unha bandexa, varias copas e un cáliz, que xa foi localizado pola Garda Civil de Boiro.
De momento non hai data para que o cáliz volva ao altar porque a investigación continúa aberta.
"Ante Deus, que Deus lles perdoe e os máis tamén lles perdoaremos, pero que devolvan as cousas", afirma o cura.