Atopan morto un matrimonio de anciáns en Moaña

A Garda Civil atopou mortos no seu domicilio na zona do Con, en Moaña, un matrimonio de idade avanzada.   

Foron os propios veciños do edificio os que deron aviso. Estaban preocupados porque levaban un tempo sen velos pola zona. 

Despois de pediren autorización a unha filla do matrimonio que reside noutro concello, os axentes entraron no piso e atoparon os cadáveres. O corpo do home estaba na cama en avanzado estado de descomposición. O da muller, tirado no chan. Ningún dos dous tiña sinais aparentes de violencia.

Á espera do que determine a autopsia os indicios apuntan a que faleceron por causas naturais, primeiro o varón, e a muller, días despois.