Atascos e retencións no primeiro día de Conxemar
Nos accesos ao Ifevi houbo desde primeira hora da mañá colas e retencións quilométricas
O plan de tráfico, similar ao de edicións anteriores, non logrou desconxestionar o tráfico
O peche dunha das entradas á AP-9 desde a avenida do Tranvía para converter esa estrada en sentido único e gañar capacidade non conseguiu desconxestionar os accesos ao Ifevi nin evitar o colapso na autoestrada, onde se formaron retencións de varios quilómetros.
Outro dos accesos onde se viviu o caos circulatorio foi na avenida do Aeroporto, con ringleiras de vehículos desde primeira hora da mañá.
O colapso atrapou tamén os condutores que non se dirixían a Conxemar e que se viron afectados polas retencións.
O plan de tráfico activado foi moi similar ao das últimas edicións. Con todo, as limitacións nos accesos ao Ifevi impiden que o tráfico non sexa fluído durante a celebración de grandes eventos.
