Asasinada unha muller en Alcoi pola súa parella, que intentou suicidarse despois
Asasinada unha muller en Alcoi pola súa parella, que intentou suicidarse despois
O home guindouse dun quinto andar tras degolar a moza, de 29 anos
A policía atopou o cadáver no baño da vivenda
A parella non tiña fillos
Unha muller de 29 anos morreu esta noite degolada supostamente pola súa parella, de 28, no domicilio familiar na localidade alacantina de Alcoi. O agresor tras o crime intentou suicidarse guindándose desde un quinto andar.
O crime machista descubriuse contra as 2:00 da mañá, cando os veciños do edificio, na rúa Ferran el Catòlic avisaron a policía de que unha persoa se precipitara polo patio de luces.
Cando os axentes chegaron e entraron na vivenda atoparon a muller degolada no aseo da vivenda. Aínda que nun primeiro momento se dubidou sobre se se trataba dun suicidio ou dun intento de suicidio, a investigación apunta a un crime machista.
Todo indica que a parella non tiña fillos e residía no lugar desde o Nadal.
