As primeiras probas aos viaxeiros procedentes da China dan negativo

Primeiro día laborable desde que se implementaron nos aeroportos as medidas de control fronte á covid para os viaxeiros procedentes da China. De momento, das probas efectuadas ata agora todas deron negativo.

Segundo informou o Ministerio de Sanidade, ningún pasaxeiro presentaba temperatura elevada ou sintomatoloxía relacionada co coronavirus. Mañá chegará o seguinte voo desde o país asiático.

España é o segundo país europeo, tras Italia, en implantar os controis. Francia e o Reino Unido sumaranse esta semana.