As pantallas reinan no Entroido de Xinzo

Hai máis de vinte días que comezou a festa en Xinzo de Limia,  pero as ganas de troula continúan intactas neste domingo de Entroido.

Na rúa, piratas que acaban de desembarcar, surfeiros que desafían ondas xigantes e unha infinidade de personaxes, pero aquí reinan elas: as pantallas. En grupos bailan e corren tras os veciños que se atreveron a saír sen disfrazar para obrigalos a pagar unha volta no bar máis próximo.

Son o emblema desta celebración, de interese turístico internacional, que rematará o mércores co enterro da sardiña.