A intensa chuvia estraga os bancos marisqueiros da ría de Noia
Os membros da agrupación retiraron 17 toneladas de cunchas e marisco morto
Os mariscadores dan por perdida a próxima campaña
A intensa chuvia dos últimos días estragaron os bancos marisqueiros da ría de Noia por terceiro ano consecutivo. Perdeuse case toda a ameixa babosa e tamén o berberecho. En total, os integrantes da agrupación retiraron estes días 17 toneladas de cunchas e de marisco morto.
Rosa Martínez, membro da agrupación local de mariscadores a pé dá por perdida a actual campaña e a que vén.
"É un desastre, non quedou marisco para o desove", explica. "O peor non é que non poidamos volver estes dous meses, senón que temos perdida a campaña que vén, a de outubro".
Dende a agrupación temen que moitos profesionais se dean de baixa logo de tres anos consecutivos de mortaldade masiva.
