Publicador de contidos

Publicador de contidos

Ás beiras dos camiños de Santiago afloran novos aloxamentos que buscan diferenciarse

Ás beiras dos camiños de Santiago afloran novos aloxamentos que buscan diferenciarse

O último en inaugurarse é un grupo de cabanas en plena natureza en Mos  

G24.gal 11/04/2022 21:27

Os peregrinos que fagan o Camiño Portugués e busquen un aloxamento diferente aos albergues poden encontralo ao seu paso por Mos.

Son estas casiñas chamadas Xanelas do Monte, unha oferta pioneira que combina turismo rural e gastronomía.

Teñen cadanseu nome: hortensia, xasmín, chorima e glicinia. As flores da zona dan nome a estas catro cabanas. Aloxamentos que xurdiron para dar resposta a un novo tipo de turismo que deixou a pandemia. O de persoas que buscan tranquilidade e contacto coa natureza.

O obxectivo do empresario é que as cabanas sexan un complemento aos servizos que ofrece no seu restaurante, pero tamén que se convertan nunha alternativa para peregrinos e outros turistas.

Perfectamente equipadas e con capacidade para dúas persoas acaban de ser inauguradas. Os seus primeiros hóspedes chegarán esta mesma Semana Santa.

Publicidade
Publicidade
Publicidade
Publicidade