Arde un edificio na zona vella de Ourense sen causar danos persoais

Susto este mediodía en Ourense. A intensa fumareda que saía dun edificio da zona vella alertou a veciñanza con medo de que as lapas puidesen propagarse polas casas lindeiras. Os bombeiros actuaron rápido.

Non había persoas no interior, pero atoparon un can ao que lograron sacar das lapas san e salvo. No barrio aseguran que o edificio leva tempo ocupado e que prenden lume dentro de xeito habitual. Xa presentaron numerosas denuncias no Concello.

Polo momento, descoñécense as causas do incendio. Axentes da Policía local tapiou este sábado as portas e ventás para evitar que volvan ocupar o inmoble de xeito ilegal.