Arbeloa non pon escusas polas baixas e non escatima eloxios para o Celta de Giráldez
Arbeloa: "O Celta é un grande equipo e un adestrador que está a facer as cousas marabillosamente ben"
Álvaro Arbeloa, técnico do Real Madrid, apelou ao orgullo do seu equipo antes de visitar, cheo de baixas, ao Celta en Liga, e afirmou que dispón de xogadores "para dar máis, pelexar mellor e ter unha mentalidade máis acorde ao escudo", nun momento que deben demostrar que son merecedores da camiseta.
Ao Real Madrid acábaselle a marxe de erro tras enlazar dúas derrotas en LaLiga que afastaron 4 puntos o liderado tendo que visitar ao Camp Nou. Arbeloa non buscou xustificacións e enfocou ao que vén cunha mensaxe contundente.
O número de ausencias entre lesións e sancións do Real Madrid pode chegar a dez, pero Arbeloa non buscou escusas.
"Póñenmo máis fácil porque teño que pensar menos", chanceou sobre o once.
O técnico madridista dedicou eloxios ao Celta e ao seu técnico, Claudio Giraldez.
"Unha saída que non vai ser nada fácil, contra un gran equipo e un adestrador que está a facer as cousas marabillosamente ben. Son un equipo moi ben traballado que xogan con moita confianza. Veñen de gañar catro partidos xogando ben. É un campo onde sempre hai un gran ambiente cada vez que vai o Real Madrid alí. Outra saída moi complicada e esixente", opinou.
En ningún momento Arbeloa falou do City e centrou todo o seu discurso no duelo ligueiro ante o Celta.
"Nun equipo como o Real Madrid a derrota é difícil de xestionar por esixencia, pero o único que pensamos é no partido de mañá. Depende moito de nós mesmos, da nosa seguridade e confianza. O pasado non existe e só pensamos en Balaídos".
