Anuladas o 85 % das comidas de empresa na provincia de Pontevedra

A patronal hostaleira da provincia de Pontevedra asegura que a estas alturas xa se cancelaron o 85 % das ceas e xantares de empresa que estaban programados para o Nadal.

Polo momento, só se manteñen as reservas de pequeno formato nas que participan grupos reducidos de amigos, familiares ou compañeiros de traballo.

As mesas reducíronse a 8 persoas e nas empresas hai temor a contaxios ou a unha corentena do cadro de persoal. 

En Vigo sobreviven os hoteis que, malia a baixada deste tipo de citas, están a paliar as perdas con xantares e ceas de turismo.