Antonio López repetirá como reitor da USC, ao non presentarse máis candidatos ao cargo

Antonio López repetirá outros catro anos como reitor da Universidade de Santiago, ao non presentarse máis candidatos para o cargo.

O prazo para presentar as candidaturas rematou hoxe. As eleccións a reitor da USC celebraranse o 23 de febreiro e a proclamación definitiva de López realizarase a principios de marzo.

O actual reitor di que aproveitará o tempo que queda ata daquela para concretar os cambios que xa confirma que fará tanto na propia estrutura do reitorado como entre o equipo que o acompaña.