Antonio Fernández, presentado como novo técnico do Pontevedra
Xa xogara no equipo de Pasarón na temporada 2011-12
Como técnico dirixiu o Vilalonga, o Alondras (dúas fases de ascenso) e as últimas campañas estivo no San Roque de Lepe
Antonio Fernández Rivadulla será o adestrador do Pontevedra da temporada 2022-23. O técnico ourensán ten unha extensa carreira como xogador (estivo unha temporada no Pontevedra), e nas últimas campañas como adestrador a súa carreira estivo acompañada por éxitos.
"O Pontevedra é un grande é vir aquí é un orgullo", comentou o novo técnico na súa presentación a carón da presidenta Lupe Murillo e de Toni Otero, director deportivo.
Como técnico, dirixiu o Vilalonga, na Terceira División (equipo no que se retirou), e logo pasou ao Alondras, co que xogou dúas fases de ascenso a 2.ª B (17-18 e 18-19). Probou sorte no fútbol andaluz, polo que xa pasara como futbolista, e dirixiu o San Roque de Lepe, que mantivo na primeira campaña en Terceira, ascendeu a Segunda Federación na segunda e conseguiu manter na terceira temporada en terras andaluzas.
