Ángel Arcos, novidade na convocatoria de Giráldez
Giráldez non quixo forzar o regreso do sueco Williot Swedberg
A presenza de Ángel Arcos, un dos atacantes do filial, é a principal novidade na convocatoria de Claudio Giráldez para o partido que este sábado disputará o Celta contra o Deportivo Alavés.
O extremo esquerdo, que leva 1 gol e 2 asistencias coa Celta Fortuna en Primeira Federación, estrearase nunha convocatoria do primeiro equipo no Estadio de Mendizorrotza.
Giráldez non quixo forzar o regreso do internacional sub-21 sueco Williot Swedberg, quen esta semana xa traballou co grupo pero non está ao cen por cento. As outras dúas baixas por lesión son o extremo Hugo Álvarez e o central Carlos Domínguez.
Giráldez falou das dificultades de Mendizorroza.
“Da miña curta experiencia en Primeira División é dos campos máis complexos, por non dicirche o máis complexo. Paréceme un campo moi particular. Xunto con Vallecas, seguramente sexa o campo que ten un contexto máis particular”, afirmou.
O técnico celeste eloxiou ao seu próximo rival, “un equipo moi intenso xeralmente por historia en situacións de press, que é capaz de xogarche directo e en centro lateral moi ben”, e a identidade que lle deu o técnico arxentino Eduardo ‘Chacho’ Coudet.
👥 𝗖𝗢𝗡𝗩𝗢𝗖𝗔𝗧𝗢𝗥𝗜𝗔 ⋄ #AlavésCelta
— Celta (@RCCelta) November 21, 2025
🆕 Ángel Arcos (#28) estréase na lista! pic.twitter.com/rGvI2rEt01
