Álvaro Muñíz triunfa nun accidentado Rally de Ourense cos abandonos de Pardo e Cagiao

Álvaro Muñiz foi o gran dominador do Rally de Ourense, valedeiro para o Supercampionato de España. O piloto coruñés acadou a súa primeira vitoria nas estradas ourensás, nunha proba na que sempre estivo en cabeza. Superou en algo máis de 22 segundos a Cohete Suárez e en 27 a Pepe López. Iván Ares rematou no quinto posto.

Os accidentes marcaron esta edición número 59. Ningún dos dous integrantes do Recalvi Team foi quen de rematar a proba. Tanto Javier Pardo como Jorge Cagiao tiveron que abandonar.