Aleix Febas soña coa Europa League e a Copa do Rei

O centrocampista Aleix Febas, primeira fichaxe do Celta para a tempada 2026-27, encara moi ilusionado a súa nova etapa no equipo galego, co que espera “seguir crecendo” tras brillar nesta última tempada coa camiseta do Elxe.

“Teño ganas de demostrar que non só é cousa dun adestrador ou dun equipo e que podo seguir sendo o mesmo. Custoume chegar a Primeira, pero quero seguir progresando, quero seguir crecendo. Síntome ben tanto fisicamente como mentalmente e creo que teño marxe de mellora”, apuntou.

Febas espera vivir un gran ano en Balaídos, pero avisou de que o “primeiro obxectivo” debe ser a permanencia na Liga porque a esixencia cada vez é maior na máxima categoría.

“Facer unha boa liga é o principal, este ano xa habemos visto que está moi dura e igualada. Ese é o primeiro obxectivo. A partir de aí, se podemos soñar con cousas grandes como facer unha boa Europa League ou unha boa Copa, pois moito mellor. Pero imos aos poucos”, subliñou.