Miguel Loureiro: "Sabemos que o noso teito é moi alto"

Miguel Loureiro estivo dúas tempadas no Huesca, próximo rival do Deportivo

"Apetéceme moito xogar este partido, evidentemente é un partido especial, bonito e difícil".

O defensa de Cerceda está feliz no seu regreso a casa

"Como na casa non se está en ningures. Teño aos meus, á miña familia e as cousas están saíndo moi ben".

O Deportivo está invicto e aspira ao liderado da segunda división, o obxectivo é o ascenso.

"Arrancamos moi ben e a enerxía é moi positiva. A conexión coa bancada é perfecta".

"Sabemos que o noso teito é moi alto e para conseguilo baseámonos no traballo diario. Temos marxe de mellora".

O partido será o venres e poderá seguirse en directo pola primeira canle da TVG.