Rescatan a tripulación dun pesqueiro dunha armadora de Ribeira que afundiu preto dos Azores
Os tripulantes do Lajes do Pico, de bandeira portuguesa, conseguiron guindar as balsas salvavidas e ser rescatados por outra embarcación
A tripulación do pesqueiro Lajes do Pico, de armadora de Ribeira e bandeira portuguesa, que afundiu en augas das illas dos Azores, foi rescatada e posta a salvo.
Os mariñeiros deron lanzado as balsas salvavidas e auxiliounos outro pesqueiro que andaba pola zona, o Algamar, tamén con bandeira lusa.
Foto cedida pola Organización de Palangreiros da Guarda
Foto cedida pola Organización de Palangreiros da Guarda
O patrón maior de Ribeira, José Antonio Pérez, explicaba este mércores á mañá que se trataba dun barco que se dedicaba ao palangre, e que polo momento dispoñían de poucas informacións sobre o sucedido, pero "as boas noticias son que están todos ben".
A Autoridade Marítima Nacional de Portugal non requiriu a intervención de Salvamento Marítimo de España.
O Lajes do Pico é un pesqueiro construído en 1999 e ten unha eslora de 30 metros. A súa tripulación atópase noutro barco rumbo a terra.
.jpg)
