Afectadas 25 persoas por un brote de salmonelose, 13 delas hospitalizadas, en Oviedo
Doce adultos e un neno están ingresados no centro hospitalario, con "boa evolución"
A conselleira de Saúde do Principado sinalou que xa se "retiraron todos os produtos que poidan ter relación con este foco"
Hospital Universitario Central de Asturias (HUCA). Imaxe de arquivo (EuropaPress)
Vinte e cinco persoas están afectadas por un brote de salmonelose nun local de Oviedo, das que trece permanecen ingresadas no Hospital Universitario Central de Asturias (HUCA), informou a conselleira de Saúde do Principado, Concepción Saavedra.
Segundo explicou, os vinte e cinco afectados acudiron ás urxencias do centro hospitalario ovetense, e trece deles están ingresados, doce adultos e un neno, con "boa evolución", e hai outros dous en observación.
"Esta noite non houbo ningún caso en urxencias, pero é posible que durante a mañá de hoxe aínda pode aparecer algún caso", dixo tras apuntar que as análises realizadas aos afectados determinaron a presenza de salmonela.
En declaracións aos xornalistas durante a súa visita á Feira de Mostras de Asturias, a conselleira sinalou que Saúde Pública "retirou todos os produtos que poidan ter relación con este foco"
