Cargando resultados...
Dúas vítimas mortais nun accidente na AP-6 preto de Madrid
As vítimas son un home e unha muller que viaxaban nun coche contra o que bateu un camión
O accidente tivo lugar este mércores pola tarde no quilómetro 44 da AP-6
G24.gal
14/07/2022 07:47
O alcance dun turismo por un camión deixa dúas vítimas mortais nun accidente rexistrado este mércores á tarde na AP-6, no término madrileño de San Lorenzo do Escorial.
Os falecidos, un home de 61 anos e unha muller de 60, viaxaban nun coche contra o que bateu por detrás un camión cisterna.
Como consecuencia do forte impacto, morreron case no intre. De nada serviu a inmediata intervención dos profesionais sanitarios, que foron testemuñas do accidente cando circulaban pola mesma autovía.
O chofer do camión saíu ileso. Algunhas testemuñas do accidente tiveron que ser atendidas polos psicólogos do Summa por estados de nerviosismo e crises de ansiedade.
