Abren o carril esquerdo da AP-9 tras o envorco dun camión cisterna en Mos
Sobre as 21:45 deste sábado procedeuse á apertura do carril esquerdo da autoestrada
A Xunta mantén activado o plan de emerxencia Transgal, polo derramo de mercadoría perigosa
A concellería de Sanidade de Mos estableceu unhas recomendacións para as vivendas próximas á zona
Momento en que un guindastre retira o camión da autoestrada. EFE/ Sxenick.
O envorco dun camión cisterna que contiña 32.000 litros de gasóleo esta mañá provocou o corte da AP-9 á altura do punto quilométrico 164, con sentido Tui no termo municipal de Mos.
En total vertéronse uns 7.000 litros de gasóleo, e o resto foi traspasado a outro camión da empresa.
Sobre as 21:45 deste sábado, procedeuse á apertura do carril esquerdo da vía cunha limitación de 80km/h. O carril dereito continúa pechado para seguir cos labores de limpeza.
Recomendacións da Consellería de Sanidade
Tras o accidente e os 7.000 litos de combustible vertidos, a Consellería de Sanidade estableceu unhas recomendacións dirixidas ás vivendas situadas na contorna.
Ante calquera indicio de posible contaminación da auga (olor a combustible, sabor anómalo ou presenza de manchas aceitosas), recoméndase non empregar a auga, evitar os espazos se se detecta cheiro a combustible ou produtos químicos, pechar a chave de paso do pozo...
