Publicador de contidos

Publicador de contidos

Sentury e a Xunta avanzan trámites da planta de pneumáticos das Pontes

Sentury e a Xunta avanzan trámites da planta de pneumáticos das Pontes

O grupo chinés Sentury Tire prevé un investimento de 531 millóns de euros e crear 750 empregos directos

Alfonso Rueda co presidente do grupo chinés Quindao Century, Long Qing
G24.gal 26/03/2023 15:54 Última actualización 26/03/2023 16:15

Os máximos responsables do grupo chinés intensificaron os contactos co Goberno galego nos últimos días. O xefe do executivo autonómico e o seu vicepresidente económico reuníronse con Long Qing, o presidente de Quindao Century.

Alfonso Rueda e Francisco Conde avaliaron o estado de tramitación desta iniciativa que, ademais, é un dos catro proxectos industriais estratéxicos declarados polo Goberno galego.

Entre outras vantaxes, esta figura supón carácter prioritario de tramitación, así como a redución á metade dos prazos establecidos no procedemento. O obxectivo é que se poida iniciar este ano a súa construción.

Sentury prevé unha produción anual de 12 millóns de pneumáticos. Contempla un investimento de 531 millóns de euros e a creación de 750 empregos directos.

Rueda trasladoulle a Qin o apoio da Xunta no proceso actual e asegurou que o Executivo autonómico está comprometido coa iniciativa.

O proxecto está incluído tamén entre as iniciativas de Transición Xusta do Ministerio para a Transición Ecolóxica.

Publicidade
Publicidade
Publicidade
Publicidade