A Xunta de Estremadura di que o incendio de Valdecaballeros puido ser intencionado
Os principais incendios forestais que seguen activos son o de Badaxoz e o de Almería
A loita contra o lume segue sendo intensa na localidade estremeña de Valdecaballeros, onde xa se queimaron máis de 2.400 hectáreas.
A ameaza das lapas obrigou a desaloxar arredor de douscentos menores que participaban nun campamento na zona e mais de trescentos veciños, a maior parte dos cales aínda non puideron volver ás súas casas.
Houbo 23 incendios na mesma zona en dez anos
Os responsables da xestión forestal da Xunta de Estremadura admiten que non saben as causas do lume aínda, pero que todo apunta a que foi intencionado, xa que neste verán e no anterior houbo 23 incendios na mesma zona.
Incendio nos montes de Lubrín, en Almería
Outro incendio que preocupa é o que afecta aos montes de Lubrín, en Almería, onde o traballo intenso de ata dezaseis avións e helicópteros, xunto con máis de cen bombeiros, non conseguiron controlalo.
Onde si conseguiron controlar as lapas foi en Navaluenga, en Ávila, onde o lume queimou esta fin de semana arredor de 1.500 hectáreas.
Tamén quedou controlada a situación nas localidades alacantinas de Villena e Ibi, de onde este domingo se retiraron os soldados da UME.
