Jéssica Bouzas cae na segunda rolda do US Open ante a kazaka Rybakina
Bouzas perdeu con Rybakina por 6-2 e 6-4 nun partido que durou 1 h 08 min
A kazaka, número 2 do mundo, aproxímase ao número 1, para o que só precisaría acadar as semifinais
Reuters/Geoff Burke
A kazaka Elena Rybakina eliminou este xoves á galega Jessica Bouzas na segunda rolda do Aberto dos Estados Unidos por 6-2 e 6-4, en pouco máis dunha hora de partido.
Rybakina, número 2 do mundo, só necesitou 68 minutos e catro rupturas (dúas por set) para desfacerse de Bouzas. A vilagarciá igualou o segundo set cun break no tramo final, pero Rybakina devolveullo ao resto para selar a clasificación.
En Nova York, a kazaka busca asaltar o podio, algo que conseguirá se alcanza as semifinais, con independencia do que faga a actual líder da clasificación, a belarusa Aryna Sabalenka, que leva 98 semanas no máis alto.
A saída de Bouzas, na mesma noite na que foi eliminada Paula Badosa, deixa a Cristina Bucsa como única española na terceira rolda do torneo.
