A UCO sinala a Miguel Ángel Gallardo como impulsor do posto de David Sánchez
A Garda Civil pon data, no xuízo contra o irmán do presidente do Goberno, ao arranque do "motor" deste cargo: o 5 de setembro de 2016, día en aparecen os primeiros correos entre RR.HH e Cultura relativos á reestruturación do persoal
David Sánchez, á súa chegada ao cuarto día de xuízo (Europa Press/Andrés Rodríguez)
Un axente da Unidade Central Operativa da Garda Civil (UCO) sinalou o expresidente da Deputación de Badaxoz Miguel Ángel Gallardo como impulsor da creación do posto de traballo de David Sánchez, irmán do presidente do Goberno, na Deputación de Badaxoz e sitúa á área de Cultura como "motor" de todo o proceso.
Un dos gardas civís que declarou na sesión deste mércores do xuízo a David Sánchez e Gallardo, alén doutros nove acusados, expuxo que a praza de coordinador dos conservatorios de música de Badaxoz partiu dun nivel superior ao de Cultura e de Recursos Humanos (RR. HH.), onde sitúan a Gallardo.
A UCO pon data ao arranque do "motor" deste cargo: o 5 de setembro de 2016, día no aparecen os primeiros correos entre RR. HH. e Cultura relativos á reestruturación do persoal desta última área, un dos cales xa se remite a Gallardo.
