A tapa española aspira a ser Patrimonio Cultural Inmaterial
Este luns é o Día Mundial da Tapa, unha das tradicións máis populares en España e estímase que o 60 por cento dos establecementos ofrecen unha tapa de balde coa bebida
Un sinal de identidade da nosa gastronomía que cada ano tamén atrae milleiros de turistas
Entre a gran variedade de tapas encontramos as populares como a tortilla, as que nunca defraudan como a de xamón ou as máis innovadoras. Hainas de todos os estilos e gustos.
"A min as que me gustan son a de raxo e a de alioli"; di un mozo, e outra rapaza decantase pola tortilla,
Foi o rei Afonso X o que implantou esta tradición. E hoxe o 60 por centro dos establecementos españois serven este aperitivo para acompañar as bebidas.
"En Galicia sérvense as mellores sobre todo en Lugo", asegura un home.
Hai bares especializados neste bocado. E ir de tapas é unha das prácticas máis estendidas na nosa sociedade durante o noso tempo de ocio.
"Un momento de relaxación, de conversación, de desconectar desta vida tola que levamos", di unha muller.
E tamén son un atractivo máis para os turistas.
"Chegan aquí e dámoslles un petisco e unha tapa e lles gusta moito, sorpréndeos", asegura o hostaleiro José Vázquez.
Agora este aperitivo aspira a ser declarado manifestación representativa do patrimonio cultural inmaterial. Unha campaña que xa impulsan as asociacións de hostaleiros.
"Buscamos o recoñecemento da Unesco porque da cidadanía tanto a nivel nacional coma internacional, xa o temos", explica o presidente da Asociación de Hostalería de Galicia, Cheché Real.
A tapa é unha icona gastronómica. Cada ano organízanse concursos e degustacións para potenciar a cultura da tapa, obxecto tamén de atención dos cociñeiros de todo o mundo.
