A suba do petróleo pon o foco nos biocombustibles elaborados con cereais ou aceites usados

"Temos o bioetanol, que por exemplo en Galicia temos producción de bioetanol a partir de millo. Temos o biodiésel que se produce a partir de aceites vexetais, que poden ser os aceites que se recollen nos concellos. E temos tamén o biogás e o biometano que se prodcuen a partir de resíduos de carbono orgánico.", explica o profesor de enxeñaría química, Miguel Mauricio Iglesias.

Pero o encarecemento dos hidrocarburos non afecta só aos combustibles, senón a outros derivados do petróleo e o gas como os fertilizantes, os plásticos ou tecidos sintéticos. Dende hai anos os investigadores están a buscar solucións para producir biomateriais que substitúan estes derivados.

"Hai moitísima investigación que se está facendo a día de hoxe no que se chama biorrefinería. O que sería unha alternativa á refinería convencional de petróleo que a partir de materias biolóxicas e mediantes transformacións suaves seriamos capaces de obter non só enerxía senon tamén productos químicos, biomateriais, bioplásticos..." , engade Iglesias.

A día de hoxe os biocombustibles aínda non son unha alternativa viable aos hidrocarburos porque se producen en moita menos cantidade da que sería precisa para cubrir a demanda. Din os expertos que a clave está nun cambio de modelo enerxético.

"Esa alternariva ao petróleo e ao gas como fontes de enerxía hai que complementala coa electrificación. Co paso do uso de carburantes ao uso de equipos eléctricos."

Outro problema é a suba nos custos de producción. En España importamos un 85% das materias primas que se precisan para a fabricación de biocombustibles e a situación actual tamén está a encarecer tanto a producción como o transporte destas materias primas.