A RFEF ratifica a quinta praza do Castela e denega a suspensión cautelar do 'playoff'
O Xuíz Único falla a favor do filial madridista e o Pontevedra presentará un novo recurso
A Real Federación Española de Fútbol (RFEF) emitiu a esperada resolución sobre o caos normativo do triplo empate no Grupo 1 de Primeira Federación, determinando que a quinta praza e, por tanto, o dereito para disputar o playoff de ascenso a Segunda División, corresponde ao Real Madrid Castela.
A decisión do Xuíz Único non só aparta momentaneamente o conxunto lerezán da postemporada, senón que vén acompañada da denegación da suspensión cautelar solicitada polo club pontevedrés. a entidade granate confirmou de forma tallante que esgotará a vía deportiva e presentará un novo recurso dentro do prazo establecido.
A directiva mantén a súa convicción de que a interpretación regulamentaria que defenden axústase plenamente á normativa aplicable, fronte aos criterios utilizados pola Federación neste triplo empate con Castela e Barakaldo.
El Pontevedra informa,
— Pontevedra CF 🦴 (@PontevedraCFSAD) May 25, 2026
- Que se ha recibido en la noche de hoy resolución determinando que la quinta posición del grupo 1 de PRIMERA FEDERACION le corresponde al Real Madrid Castilla. pic.twitter.com/6uBCi5w9aF
