A RFEF propón un novo modelo de Primeira Federación

A Rfef endurece o seu control sobre Primeira Federación. A Real Federación Española de Fútbol (Rfef) instou aos corenta clubs de Primeira Federación a aprobar un novo modelo para a categoría de bronce do fútbol español, nunha carta remitida a todos os equipos que forman parte da categoría. Entre as propostas, destaca o aumento do control económico sobre os clubs, xa que a Rfef pretende levar a Primeira Federación o modelo de control da Uefa, que permite gastar en salarios, traspasos e comisións o 70 % dos ingresos.

De aprobarse o novo modelo, a medida implantarase de forma gradual: o 90 % na tempada 2023-2024, o 80 % na campaña 2024-2025 e o definitivo 70 % no curso 2025-2026. Ante a posible negativa dos clubs, a Rfef ameazou que “se a maioría dos clubs entenden que estas propostas non son as adecuadas, os órganos competentes da Rfef, de acordo con o previsto na lei do deporte, os Estatutos da Rfef e no Regulamento Xeral, adoptarán aquelas decisións sobre a configuración das competicións oficiais de ámbito estatal non profesionais que se consideren máis beneficiosas para o conxunto do fútbol español”.