Moitos negocios tradicionais resisten fronte ás grandes superficies e ás vendas en internet

Atravesar a porta da mercería Tuya no centro de Vigo é entrar nun lugar xa coñecido.

Mantén a historia nos estantes, no mostrador ou nos escaparates.

Ana María Alves, a súa actual propietaria, chegou moi nova, como ela mesma explica.

  "Comecei polos botóns que era o que me facía gracia. Entón había cola de modistas, agora todo cambiou... Encantoume isto".

Herdou a tenda da súa madriña, que abriu o negocio hai xa 70 anos.

Un tempo no que cambiaron moitas cousas, pero non a súa forma de traballar, que consideran a garantía do seu éxito. "Dar produto bo, de calidade e unha boa atención ao cliente. É o máis imporrtante", reflexiona Ana María.

Especializáronse e tamén cambiou o tipo de clientes.

"Vendemos moito para señoras maiores. Tamén suxeitadores de todas as tallas, faixas...", explica.

A ela aínda lle queda moito para xubilarse, pero confía en que a tenda siga funcionando moitos anos máis.

"Ao meu fillo tamén lle gusta isto, e igual sigue", sinala con bo humor a muller á fronte desta histórica mercería.