A Policía Nacional despregará cans nas estacións de tren e bus de Galicia para controlar o tráfico de droga

A Unidade Especial de Guías Caninos e a Unidade Especializada Brigada Móbil-Policía no Transporte patrullan de maneira conxunta en estacións e medios de transporte de Galicia.

O Ministerio do Interior informou este martes do labor conxunto destas dúas unidades para detectar condutas ilícitas.

A Brigada Móbil no Transporte realiza labores preventivos como controis de viaxeiros e equipaxes, auxilios humanitarios e loita contra delincuencia común e especializada (actos vandálicos) en estacións de autobuses e tren de Galicia.

Os Guías Caninos fan un labor importante en operacións de consumo e tráfico de drogas, xa que poden detectar e intervir substancias estupefacientes ou psicotrópicas, aínda que tamén traballan en explosivos ou billetes.

Os controis destas patrullas funcionan, ademais, como unha medida disuasoria ante a comisión de delitos.